XX. mendeko Euskararen Corpus estatistikoa

Testuingurua

Formato honetan ere luzera aldakorra da.

Zifren kopuruari bat gehituz eta batura hori birekin zatituz lortzen dena da luzera bytetan.

Beraz, Luzera bytetan / zifra-kopurua Formatoen arteko konparaketa.

Unitate Aritmetiko-Logikoak formato bitarrean lan egiten duenez gero, zenbakiak Memoria Nagusian gordetzeko formato egokiena bitarra da.

Informazioa formato bitarrean egonda ez da bihurketarik gertatuko eta eragiketak abiadura handiagoz egikarituko dira.

Konputagailuak eragiketa bat exekutatzeko erabili behar dituen datuak formato hamartarrean baldin badaude, lehendabizi bitar bihurtu beharko ditu datu horiek, gero eragiketa bete eta azkenik emaitza hamartarrera bihurtu.

Ondorioz, eragiketa egikaritzeko denbora luzatu egiten da.

Guk erabiltzen dugun zenbaki-adierazpidea hamartarra denez gero, sarrera eta irteerako euskarrietan zenbakiak gordetzeko formato egokiena eta batzuetan beharrezkoa hamartarra da.

Bestalde, luzerari begira, euskarria hoberen probetxatzen duen formatoa formato bitarra da, hots zenbaki oso bat gordetzeko formato bitarrak hamartarrak baino luzera txikiagoa erabiltzen du.

Formato hamartarren artean berriz, formato paketatua zonaduna baino laburragoa da.

4.4.3.- ERREALEN ADIERAZPIDEA.

Zenbaki errealak Memorian adierazteko formato bakarra koma higikorrezko formato bitarra da.

Zenbaki erreal bat Memorian bi zenbakiren bidez adierazten da: mantisa eta berretzailea.

Mantisa eta berretzailea kalkulatzeko ondoko formula hau jarraitzen da: erreala.